Kumpulan Umpasa (3)

Nidanggunr ambaroba, ambaroba na so ro hona,
Bangko ni hita jolma, sai masiahut tu jolona

Molo so tampil tu parsoburan, ingkon siat do tu panggagatan,
Molo tangkas do partuturan, ingkon dohot do di parjambaran

Rande ampapaluan, porapora di silaen,
Raja do pangaluluan, na mora paulaean

Solot bulung hahombu, tu dangka ni arirang,
Salang na marpahompu, adong do I na sirang

Marluga sitindaon, mangan hoda si gapiton,
Tu jolo ni langkahon, tu pudi sinarihon

Sori manungkun, sori mandapot,
Matua manungkun ma na ro tu na nidapot

Sihampir gabe gambir, tandiang gabe toras,
Tu dia pe so tampil, tung tu ahu aha pe so bolas

Nirimpu do gugutna, hape saitna,
Nirimpu do burjuna, hape gaitna

Hotanghotang so dohonon, ansimun so bolaon,
Hatana so sidohonon, tongka do paboaboaon

Kumpulan Umpasa (2)

Tuat ma pandurung, nangkok ma parsoban;
Masidolosan pe tanggurung, tongka do masihaoran.

Hotang pinabebebebe, hotang pinapulospulos,
Ndang jadi iba mandele, ai godang do tudostudos.

Naung indahan, tongka do dudaon,
Naung ni oloan, tongka do juaon.

Unang girgir mambau, anggo so binoto do mambibiri,
Unang girgir iba marbaju, anggo so binoto d mamparabiti

Sinuan bagot, bagot marpilopilo,
Jotjot do naung pangidoan, gabe mangidoido

Bulung ni bulung do i, tu bulung ni hotang,
Ia tundal sarupa musu, hape dompak sarupa dongan

Mangkuling taguktaguk, diatas ni arirang,
Hunsus na baru saut, bau na baru sirang

Daling ni dalingkon, masuak hodong ni bagot,
Tading na tinadingkon, hape na nieahan pe so dapot

horas.....